Сербиялик ярим ҳимоячи Неманья Матич “Ренн”ни тарк этишга яқин турибди.

Журналист Николо Скиранинг ижтимоий тармоқлардаги маълумотларига кўра, футболчининг янги клуби "Лион" бўлади.

Инсайдернинг хабар беришича, томонлар музокаралар олиб борган ва меҳнат шартномасини имзолашга келишиб олган.

Битим якунланиш арафасида. Жорий мавсумда Неманья 19 та учрашувда иштирок этиб, 3 та голли узатмани амалга оширди.

35 ёшли ярим ҳимоячи ўтган йилнинг август ойида «Ренн»га келиб, икки йиллик шартнома имзолаган эди. Футболчининг трансфер қиймати 3,5 миллион еврога баҳоланмоқда.