"Inter" yarim himoyachisi Stefano Sensi Angliyaga ko‘chib o‘tishga tayyor.

28 yoshli futbolchi joriy mavsumda kamdan-kam maydonga tushmoqda va uning shartnomasi olti oydan keyin tugaydi.

Italiyalik futbolchiga chempionshipda ishtirok etayotgan Angliyaning “Lester Siti” klubi qiziqish bildirgan.

Jurnalist Fabrisio Byazinning so‘zlariga ko‘ra, yarim himoyachi allaqachon "tulkilar" lageriga o‘tishga rozi.

Hozirda "Inter" rasmiy taklif kelishini kutmoqda. Stefano Sensi "neradzurrilar"ning ushbu mavsumdagi to‘rtta o‘yinida maydonga tushib, jami 65 daqiqani maydonda o‘tkazdi.

Transfermarkt portali futbolchining transfer qiymatini 4 million yevroga baholamoqda.