“Istanbul Bashakshehir” himoyachi Leo Duarte borasida Moskvaning “Lokomotiv” klubidan hech qanday taklif olmadi.
Bu haqda jamoaning jamoatchilik bilan aloqalar bo‘yicha direktori Go‘khan Yilmaz ma’lum qildi. "Klub taklif tushganda uni sotishiga kafolat bermaydi. Leo biz uchun muhim futbolchi", - deya Yilmazning so‘zlarini keltiradi Match TV.
Avvalroq OAVda ushbu xorijlik futbolchiga "Loko" qiziqish bildirayotgani haqida xabarlar tarqalgan edi.
Joriy mavsumda Duarte jamoasi safida 17 ta o‘yin o‘tkazib, bir marta golli uzatmani amalga oshirdi. Shartnoma uni Istanbul klubi bilan 2026 yilning 30 iyuniga qadar bog‘laydi.
