Joriy mavsumda Premyer-liga klublari o‘yinchilari birinchi va ikkinchi bo‘limlarda qo‘shib berilgan vaqtda 77 ta gol urishdi.

Bu haqda liga matbuot xizmati xabar berdi.

Shu tariqa, birinchi bo‘limga qo‘shib berilgan daqiqalarda futbolchilar 22 ta gol urishdi. Ikkinchi bo‘lim yakunlarida esa 55 ta gol urilgan.

O‘yin daqiqalari bo‘yicha Premyer-ligada eng kam gol 10, 40 va 43-daqiqalarda kiritilgan. Eslatib o‘tamiz, joriy mavsum ligada o‘yinning har bir daqiqasida kamida bir marta gol urildi. Ayni damda «Liverpul» 45 ochko bilan peshqadamlik qilmoqda, 43 ochko bilan «Aston Villa» ikkinchi o‘rinda.