"Liverpul" rahbariyati hujumchi Muhammad Saloh bilan yangi shartnoma imzolash borasida muzokaralarni davom ettirmoqda.
Jurnalist Fransua Platonning so‘zlariga ko‘ra, tomonlar bitim tafsilotlari bo‘yicha amalda kelishib olgan. Futbolchi ayni damda Misr terma jamoasida va Afrika kubogi startiga tayyorgarlik ko‘rmoqda.
Futbolchining amaldagi shartnomasi 2025 yilning iyuniga qadar mo‘ljallangan. Transfermarkt portali futbolchining narxini 65 million yevroga baholamoqda.
Saloh "Liverpul"da 2017 yilning yozidan buyon o‘ynamoqda. Joriy mavsumda u barcha musobaqalarda 27 ta o‘yinda maydonga tushib, 18 ta gol urdi va 9 ta golli uzatmani amalga oshirdi.
