Milanning “Inter” klubi hujumchisi Markus Tyuram Angliya premyer-ligasi vakillarining radarida.

Fransiyalik futbolchi A Seriyada ajoyib debyut mavsumini o‘tkazmoqda.

Jurnalist Ekrem Ko‘nurning so‘zlariga ko‘ra, Premyer-liganing nomi oshkor etilmagan ikki klubi imkoniyat tug‘ilsa, uning transferi bo‘yicha muzokaralarni boshlash uchun Tyuram bilan bog‘liq vaziyatni diqqat bilan kuzatib bormoqda.

26 yoshli hujumchi "neradzurrilar" safida 27 ta o‘yinda maydonga tushib, 9 ta gol urdi va 11 ta golli uzatmani amalga oshirdi.

Transfermarkt portaliga ko‘ra, futbolchining transfer qiymati 55 million yevroni tashkil qiladi.