Миланнинг “Интер” клуби ҳужумчиси Маркус Тюрам Aнглия премьер-лигаси вакилларининг радарида.
Франциялик футболчи A Серияда ажойиб дебют мавсумини ўтказмоқда.
Журналист Экрем Кўнурнинг сўзларига кўра, Премьер-лиганинг номи ошкор этилмаган икки клуби имконият туғилса, унинг трансфери бўйича музокараларни бошлаш учун Тюрам билан боғлиқ вазиятни диққат билан кузатиб бормоқда.
26 ёшли ҳужумчи "нерадзуррилар" сафида 27 та ўйинда майдонга тушиб, 9 та гол урди ва 11 та голли узатмани амалга оширди.
Трансфермаркт порталига кўра, футболчининг трансфер қиймати 55 миллион еврони ташкил қилади.
