«Chelsi» hujumchisi Armando Broya joriy transferlar vaqtida boshqa klubga ijaraga berilishi mumkin. Bu haqda The Guardian xabar bermoqda.
Manbaga ko‘ra, "aristokratlar" bosh murabbiyi Maurisio Pochettino yanvar oyida yangi forvard sotib olishni talab qilmoqda.
Agar shunday bo‘ladigan bo‘lsa, londonliklar Broyani jamoada saqlab qolishmaydi va unga o‘yin amaliyoti uchun boshqa klubga ketishiga ruxsat berishadi.
Qayd etilishicha, 22 yoshli futbolchi uchun "Vulverxempton" da’vogarlik qilmoqda. "Bo‘rilar" "Chelsi"ga taklif bilan chiqishga tayyor.
