Taniqli insayder Fabrisio Romano "Real"ning "Lill" markaziy himoyachisi Leni Yoroga qiziqishi haqida gapirdi.
18 yoshli futbolchi avvalroq "qirollik klubi"ning maqsadlaridan biri sifatida qayd etilgandi. Romanoning so‘zlariga ko‘ra, Madrid vakillari haqiqatdan ham o‘sib borayotgan yulduzni kuzatishmoqda: La Liga gigantlarining skautlari Yoroning o‘yinini o‘rganish maqsadida "Lill" o‘yinlariga bir necha bor tashrif buyurishgan. Manbaga ko‘ra, "Real" fransiyalik futbolchining qobiliyatini yuqori baholaydi, ammo yozda uni qo‘lga kiritish uchun boshqa top-klublar ham kurash olib boradi.
Transfermarkt portali ekspertlari Yoroning narxini 25 million yevroga baholamoqda. Joriy mavsumda futbolchi “Lill” safida 23 ta o‘yin o‘tkazib, 3 ta gol urgan.
