Таниқли инсайдер Фабрицио Романо "Реал"нинг "Лилль" марказий ҳимоячиси Лени Йорога қизиқиши ҳақида гапирди.
18 ёшли футболчи аввалроқ "қироллик клуби"нинг мақсадларидан бири сифатида қайд этилганди. Романонинг сўзларига кўра, Мадрид вакиллари ҳақиқатдан ҳам ўсиб бораётган юлдузни кузатишмоқда: Ла Лига гигантларининг скаутлари Йоронинг ўйинини ўрганиш мақсадида "Лилль" ўйинларига бир неча бор ташриф буюришган. Манбага кўра, "Реал" франциялик футболчининг қобилиятини юқори баҳолайди, аммо ёзда уни қўлга киритиш учун бошқа топ-клублар ҳам кураш олиб боради.
Transfermarkt портали экспертлари Йоронинг нархини 25 миллион еврога баҳоламоқда. Жорий мавсумда футболчи “Лилль” сафида 23 та ўйин ўтказиб, 3 та гол урган.
