"Roma" hujumchisi Paulo Dibala yanvar oyidagi transfer oynasida klubini o‘zgartirishi mumkin. Insayder Rudi Galettining ijtimoiy tarmoqlardagi xabarlariga ko‘ra, argentinalik futbolchi portugaliyalik mutaxassis Joze Mourinyo iste’foga chiqqanidan keyin boshqa jamoalardan takliflarni ko‘rib chiqmoqchi.
O‘z navbatida, "Roma" futbolchi bilan xayrlashmoqchi emas va uning yangi shartnomasi ustida ishlamoqda. Tomonlar o‘rtasidagi amaldagi kelishuv muddati 2025 yilgacha mo‘ljallangan.
Italiya chempionatining joriy mavsumida Paulo 13 ta uchrashuvda ishtirok etib, 5 ta gol va 6 ta golli uzatmani amalga oshirdi.