"Рома" ҳужумчиси Пауло Дибала январь ойидаги трансфер ойнасида клубини ўзгартириши мумкин. Инсайдер Руди Галеттининг ижтимоий тармоқлардаги хабарларига кўра, аргентиналик футболчи португалиялик мутахассис Жозе Моуриньо истеъфога чиққанидан кейин бошқа жамоалардан таклифларни кўриб чиқмоқчи.
Ўз навбатида, "Рома" футболчи билан хайрлашмоқчи эмас ва унинг янги шартномаси устида ишламоқда. Томонлар ўртасидаги амалдаги келишув муддати 2025 йилгача мўлжалланган.
Италия чемпионатининг жорий мавсумида Пауло 13 та учрашувда иштирок этиб, 5 та гол ва 6 та голли узатмани амалга оширди.