“Roma” hujumchisi Paulo Dibala navbatdagi jarohatidan forig‘ bo‘ldi.
Argentinalik futbolchi jarohati tufayli yaqinda rimliklarning 1:3 hisobidagi mag‘lubiyati bilan yakunlangan “Milan”ga qarshi o‘yinini o‘tkazib yuborgandi.
Bu uchrashuv Joze Mourinyo uchun "Roma" bosh murabbiyi sifatidagi oxirgi uchrashuv bo‘ldi - portugaliyalik seshanba kuni iste’foga chiqarilgan edi.
Insayder Janluka Di Marsioning so‘zlariga ko‘ra, "bo‘rilar"ning yangi bosh murabbiyi Daniele de Rossi o‘zining yangi lavozimidagi birinchi o‘yinida Dibalaning yordamiga tayanishi mumkin: yulduz forvard chorshanba kuni mashg‘ulotlarga qaytdi va u "Verona"ga qarshi o‘yinga tayyor bo‘lishi kutilmoqda.
Paulo Dibala joriy A Seriyada 13 ta o‘yinda 5 ta gol va 6 ta golli uzatmaga mualliflik qilgan.
