“Рома” ҳужумчиси Пауло Дибала навбатдаги жароҳатидан фориғ бўлди.

Aргентиналик футболчи жароҳати туфайли яқинда римликларнинг 1:3 ҳисобидаги мағлубияти билан якунланган “Милан”га қарши ўйинини ўтказиб юборганди.

Бу учрашув Жозе Моуриньо учун "Рома" бош мураббийи сифатидаги охирги учрашув бўлди - португалиялик сешанба куни истеъфога чиқарилган эди.

Инсайдер Жанлука Ди Марционинг сўзларига кўра, "бўрилар"нинг янги бош мураббийи Даниэле де Росси ўзининг янги лавозимидаги биринчи ўйинида Дибаланинг ёрдамига таяниши мумкин: юлдуз форвард чоршанба куни машғулотларга қайтди ва у "Верона"га қарши ўйинга тайёр бўлиши кутилмоқда.

Пауло Дибала жорий A Серияда 13 та ўйинда 5 та гол ва 6 та голли узатмага муаллифлик қилган.