Niderlandiyaning Veyk an-Zee shahrida shaxmat bo‘yicha Tata Steel Chess 2024 turnirida kecha 5-tur bahslari o‘tkazilmoqda.

Turnirning Masters guruhida ishtirok etayotgan o‘zbekistonlik grossmeyster Nodirbek Abdusattorov 5-turda xitoylik Vey Yiga qarshi oq donalarda o‘ynadi. O‘yin tengkurashlar ostida o‘tdi. Endshpilda hamyurtimiz g‘alabani o‘z tomoniga og‘dirishi uchun kichik imkoniyat bor edi (bitta ortiqcha piyodaga ega edi). Buning uchun Nodirbekdan o‘ta aniqlik bilan o‘ynash talab etiladi. Ammo bitta noaniq yurish tufayli bahs durang bilan tugadi.

Abdusattorov mazkur durangdan keyin o‘z ochkolarini 3,0 taga yetkazdi va jadvalda 2-o‘ringa ko‘tarildi. Anish Giri (Niderlandiya) 4,0 ochko bilan peshqadamlik qilmoqda.

Hamyurtimiz 6-turda amaldagi jahon chempioni — xitoylik Ding Lirenga qarshi qora donalarda o‘ynaydi.