Jon Terri va Kazemiro Globe Soccer Awards mukofotiga sazovor bo‘lishdi.

"Chelsi"ning sobiq himoyachisi va "Manchester Yunayted" yarim himoyachisi futbolchilik faoliyatida erishgan yutuqlari uchun mukofotlarga sazovor bo‘ldi.

Angliyalik futbolchi besh marta Premyer-ligada, bir martadan Chempionlar Ligasida va Yevropa Ligasida g‘olib chiqdi, shuningdek, boshqa sovrinlarni ham qo‘lga kiritdi. Braziliyalik futbolchi La Ligada 3 ta, Chempionlar ligasida 5 ta, klublar o‘rtasidagi jahon chempionatida 3 ta g‘alaba va boshqa sovrinlarga ega.

Argentina terma jamoasini boshqarayotgan Lionel Skaloni bu mukofotni murabbiylik faoliyati davomida erishgan muvaffaqiyatlari uchun oldi. U 2022 yilgi jahon chempionatida jamoani g‘alabaga yetaklagandi.