"Bavariya" yozgi transfer oynasida Matteys de Ligt bo‘yicha takliflarni ko‘rib chiqadi.
24 yoshli futbolchi jamoadagi o‘rnidan norozi: u himoya markazida Tomas Tuxelning uchinchi yoki to‘rtinchi tanlovi bo‘lishni istamaydi, shu bois u tez orada klubini o‘zgartirish imkoniyatini ko‘rib chiqmoqda.
Insayder Florian Plettenbergning so‘zlariga ko‘ra, “Bavariya” so‘nggi paytlarda niderlandiyalik futbolchini sotish haqida o‘ylay boshlagan.
Myunxenliklar agar juda jozibali taklif tushsa, yozgi transfer oynasida futbolchini qo‘yib yuboradi.
Matteys de Ligt joriy mavsumda “Bavariya” safida 12 ta o‘yin o‘tkazib, 1 ta gol urgan. Transfermarkt portali himoyachining narxini 65 million yevroga baholamoqda.
