Simone Indzagi Italiya Superkubogi yarim finalida "Lasio" ustidan qozonilgan g‘alabani (3:0) yuqori baholadi.
“Biz birinchi daqiqalardanoq ajoyib o‘yin va to‘g‘ri munosabat ko‘rsatdik. Endi biz finalda o‘ynaymiz, ikki kundan so‘ng o‘zimizni tiklab olishga ulgurishimiz kerak – “Napoli”ga qarshi o‘yin nihoyatda qiyin bo‘ladi.
Tanaffusga qadar bor-yo‘g‘i 1:0 hisobi, ko‘p vaziyat yaratganimizni hisobga oladigan bo‘lsak, bugungi kundagi yagona salbiy holat bo‘ldi, ammo yakunda biz 3:0 hisobida g‘alaba qozondik, shuning uchun umuman olganda men xursandman", dedi "Inter" bosh murabbiyi.
