Londonning “Arsenal” klubi markaziy himoyachisi Gabriel Magalyans Angliya Premyer-ligasida “Kristal Pelas”ga qarshi o‘yinning birinchi bo‘limida dubl qayd etdi. 26 yoshli futbolchi uchun bu dubl professional faoliyatidagi birinchisi bo‘ldi.
Eslatib o‘tamiz, Magalyans o‘zining ikkala golini ham “Kristal Pelas” darvozasiga burchak to‘pidan so‘ng kiritdi. Dastlab Deklan Rays, keyin Bukayo Saka assist vazifasini bajardi. Avvalroq, Gabriel Angliya Premyer-ligasining joriy mavsumida atigi bitta gol urgandi.
Magalyans 2020 yilning yozidan Fransiyaning “Lill” klubidan London jamoasiga o‘tganidan beri “Arsenal”da o‘ynamoqda.
