Лондоннинг “Арсенал” клуби марказий ҳимоячиси Габриэль Магальянс Англия Премьер-лигасида “Кристал Пэлас”га қарши ўйиннинг биринчи бўлимида дубль қайд этди. 26 ёшли футболчи учун бу дубль профессионал фаолиятидаги биринчиси бўлди.
Эслатиб ўтамиз, Магальянс ўзининг иккала голини ҳам “Кристал Пэлас” дарвозасига бурчак тўпидан сўнг киритди. Дастлаб Деклан Райс, кейин Букайо Сака ассист вазифасини бажарди. Аввалроқ, Габриэль Англия Премьер-лигасининг жорий мавсумида атиги битта гол урганди.
Магальянс 2020 йилнинг ёзидан Франциянинг “Лилль” клубидан Лондон жамоасига ўтганидан бери “Арсенал”да ўйнамоқда.
