"Milan"ning "Udineze" bilan o‘yini muxlislarning kamsituvchi xatti-harakatlari tufayli biroz vaqtga to‘xtatildi.

33-daqiqada “rossonerilar” darvozaboni Mayk Menyan tribunaga ishora qilib, bosh hakam Fabio Mareska oldiga bordi. Hakam fransiyalik futbolchini tinglab, A Seriyaning 21-tur uchrashuvini to‘xtatib, jamoalarni zaxira maydon tashqarisiga olib chiqishga qaror qildi.

Shu bilan birga, g‘azablangan Menyan qo‘lqoplarini yechib, kiyim almashtirish xonasiga yo‘l olgandi. Sheriklari uni ushlab qolishdi va maydonga qaytishga ko‘ndirishdi. 39-daqiqada o‘yin davom ettirildi.

"Friuli"dagi diktor muxlislarga irqchilik qo‘shiqlari takrorlansa, o‘yin bekor qilinishini aytdi.