"Милан"нинг "Удинезе" билан ўйини мухлисларнинг камситувчи хатти-ҳаракатлари туфайли бироз вақтга тўхтатилди.

33-дақиқада “россонерилар” дарвозабони Майк Меньян трибунага ишора қилиб, бош ҳакам Фабио Мареска олдига борди. Ҳакам франциялик футболчини тинглаб, А Сериянинг 21-тур учрашувини тўхтатиб, жамоаларни захира майдон ташқарисига олиб чиқишга қарор қилди.

Шу билан бирга, ғазабланган Меньян қўлқопларини ечиб, кийим алмаштириш хонасига йўл олганди. Шериклари уни ушлаб қолишди ва майдонга қайтишга кўндиришди. 39-дақиқада ўйин давом эттирилди.

"Фриули"даги диктор мухлисларга ирқчилик қўшиқлари такрорланса, ўйин бекор қилинишини айтди.