Мадридликлар Дани Карвахаль клубни тарк этганидан сўнг, ўнг қанот ҳимояси учун захира вариантини қидиришни бошлашди. Бу ҳақда Diario AS нашри хабар бермоқда.
Манбанинг маълумотларига кўра, «қаймоқранглилар» Трент Александер-Арнольднинг ўринбосари сифатида «Тоттенхэм» футболчиси Педро Поррони сотиб олиш вариантини кўриб чиқмоқда. Бироқ испаниялик футболчининг трансфер нархи юқорилиги бу келишувга тўсқинлик қилиши мумкин.
Жорий мавсумда Педро Порро «Тоттенхэм» сафида 46 та ўйин ўтказиб, 2 та гол урди ва 6 та голли узатмани амалга оширди. Унинг «шпорлар» билан шартномаси 2028 йилнинг ёзига қадар мўлжалланган.
