Angliya Premyer-ligasining yigirma birinchi turida “Brentford” irodali g‘alabaga erishdi, jamoa “Nottingem Forest”ni mag‘lub etdi.
“Nottingem” ustozi Nunu Eshpiritu Santu o‘yin natijalari haqida fikrini bildirdi.
Uning fikricha, tomoshabinlar chiroyli futbol ko‘rishgan, ammo jamoasiga omad kulib boqmagan.
"Tomoshabinlar uchun ajoyib o‘yin, qiziqarli, ajoyib futbol bo‘ldi. Lekin menimcha, omadimiz kelmadi.
Futbolchilar biroz charchab qolishdi, chunki biz uch kun oldin kubok o‘yinida qo‘shimcha taymlar bilan o‘ynagandik.
Bularning barchasini hisobga olish kerak. Men futbolchilar bilan faxrlanaman. Biz mag‘lub bo‘ldik, lekin munosib tarzda”, - deya Santuning so‘zlarini keltiradi BBC Sport.
