Aнглия Премьер-лигасининг йигирма биринчи турида “Брентфорд” иродали ғалабага эришди, жамоа “Ноттингем Форест”ни мағлуб этди.
“Ноттингем” устози Нуну Эшпириту Санту ўйин натижалари ҳақида фикрини билдирди.
Унинг фикрича, томошабинлар чиройли футбол кўришган, аммо жамоасига омад кулиб боқмаган.
"Томошабинлар учун ажойиб ўйин, қизиқарли, ажойиб футбол бўлди. Лекин менимча, омадимиз келмади.
Футболчилар бироз чарчаб қолишди, чунки биз уч кун олдин кубок ўйинида қўшимча таймлар билан ўйнагандик.
Буларнинг барчасини ҳисобга олиш керак. Мен футболчилар билан фахрланаман. Биз мағлуб бўлдик, лекин муносиб тарзда”, - дея Сантунинг сўзларини келтиради BBC Sport.