Italiyaning “Napoli” klubi Angliya Premyer-ligasidan yarim himoyachini o‘z safiga qo‘shib olishga urinib ko‘rdi. Jurnalist Nikolo Skiraning ma’lumotlariga ko‘ra, neapolliklar "Nottingem Forest"dan Orel Mangalyani transfer qilish bo‘yicha yangi taklif bilan chiqishgan.
Manbaga ko‘ra, "Napoli" 25 yoshli belgiyalik futbolchini 25 million yevroga sotib olish imkoniyati bilan ijaraga olmoqchi. Sotib olish imkoniyati muayyan shartlar ostida majburiy bo‘lishi mumkinligi qayd etilgan.
Bu mavsumda Mangalya Angliya chempionatida bitta gol urdi. Belgiyalik yarim himoyachi bir yarim yilni Premyer-ligada o‘tkazdi. Avvalroq futbolchi Germaniyada “Shtutgart” va “Gamburg” klublarida to‘p tepgan.
