Италиянинг “Наполи” клуби Англия Премьер-лигасидан ярим ҳимоячини ўз сафига қўшиб олишга уриниб кўрди. Журналист Николо Скиранинг маълумотларига кўра, неаполликлар "Ноттингем Форест"дан Орел Мангаляни трансфер қилиш бўйича янги таклиф билан чиқишган.
Манбага кўра, "Наполи" 25 ёшли бельгиялик футболчини 25 миллион еврога сотиб олиш имконияти билан ижарага олмоқчи. Сотиб олиш имконияти муайян шартлар остида мажбурий бўлиши мумкинлиги қайд этилган.
Бу мавсумда Мангаля Англия чемпионатида битта гол урди. Бельгиялик ярим ҳимоячи бир ярим йилни Премьер-лигада ўтказди. Аввалроқ футболчи Германияда “Штутгарт” ва “Гамбург” клубларида тўп тепган.