"Antverpen"ning hujumkor yarim himoyachisi Artur Vermeren ayni damda Madridda. Bu haqda jurnalist Fabrisio Romano xabar berdi.
Manbaga ko‘ra, 18 yoshli futbolchi Ispaniyaga tibbiy ko‘rikdan o‘tish va "Atletiko Madrid" bilan shartnoma imzolash uchun kelgan. Oldinroq madridliklar "Antverpen" bilan yarim himoyachining to‘liq transferi bo‘yicha 22 million yevro + qo‘shimcha bonuslar evaziga kelishib olgani ma’lum bo‘lgandi.
Joriy mavsumda Vermeren "Antverpen" tarkibida barcha musobaqalarda 32 ta o‘yin o‘tkazib, 2 ta gol va 6 ta golli uzatmani amalga oshirdi.