Kecha, 25 yanvar kuni Qatar yashil maydonlarida o‘tkazilayotgan Osiyo kubogining guruh bosqich bahslariga yakun yasaldi. Quvonarli jihati, intrigaga boy o‘tayotgan musobaqaning guruh bosqichi 3 turida mamlakatimizdan taklif etilgan 3 nafar hakamimiz — Ilgiz Tantashev, Andrey Sapenko hamda Timur Gaynullin jami 5 ta uchrashuvda ishlashga muvaffaq bo‘ldi. Ushbu uchrashuvlarda Tantashev jami 6 marta sariq kartochka ko‘rsatdi. Quyida ular ishtirok etgan bahslar ma’lumotlari bilan tanishishingiz mumkin:

1. “D” guruhi, 1-tur
INDONEZIYA – IROQ
Tantashev bosh hakam, Sapenko va Gaynullin esa yordamchi hakamlar sifatida bu uchrashuvni boshqarishdi;

2. “A” guruhi, 2-tur
LIVAN – XITOY
Tantashev hamda Sapenko tegishlicha zaxira hakamlari sifatida uchrashuv rasmiylari qatoridan o‘rin olishdi;

3. “D” guruhi, 2-tur
VYETNAM – INDONEZIYA
Sapenko va Gaynullin yordamchi hakamlar, Tantashev esa zaxira hakami sifatida bu uchrashuvda ishlashdi;

4. “C” guruhi, 3-tur
ERON – BAA
Tantashev bosh hakam, Sapenko va Gaynullin esa yordamchi hakamlar sifatida bu uchrashuvni boshqarishdi;

5. “F” guruhi, 3-tur
SAUDIYA ARABISTONI – TAILAND
Tantashev hamda Gaynullin tegishlicha zaxira hakamlari sifatida uchrashuv rasmiylari qatoridan o‘rin olishdi.

Vakillarimizga musobaqaning keyingi bosqichlarida omad tilaymiz!