Кеча, 25 январь куни Қатар яшил майдонларида ўтказилаётган Осиё кубогининг гуруҳ босқич баҳсларига якун ясалди. Қувонарли жиҳати, интригага бой ўтаётган мусобақанинг гуруҳ босқичи 3 турида мамлакатимиздан таклиф этилган 3 нафар ҳакамимиз — Илгиз Танташев, Андрей Цапенко ҳамда Тимур Гайнуллин жами 5 та учрашувда ишлашга муваффақ бўлди. Ушбу учрашувларда Танташев жами 6 марта сариқ карточка кўрсатди. Қуйида улар иштирок этган баҳслар маълумотлари билан танишишингиз мумкин:

1. “D” гуруҳи, 1-тур
ИНДОНЕЗИЯ – ИРОҚ
Танташев бош ҳакам, Цапенко ва Гайнуллин эса ёрдамчи ҳакамлар сифатида бу учрашувни бошқаришди;

2. “A” гуруҳи, 2-тур
ЛИВАН – ХИТОЙ
Танташев ҳамда Цапенко тегишлича захира ҳакамлари сифатида учрашув расмийлари қаторидан ўрин олишди;

3. “D” гуруҳи, 2-тур
ВЬЕТНАМ – ИНДОНЕЗИЯ
Цапенко ва Гайнуллин ёрдамчи ҳакамлар, Танташев эса захира ҳаками сифатида бу учрашувда ишлашди;

4. “C” гуруҳи, 3-тур
ЭРОН – БАА
Танташев бош ҳакам, Цапенко ва Гайнуллин эса ёрдамчи ҳакамлар сифатида бу учрашувни бошқаришди;

5. “F” гуруҳи, 3-тур
САУДИЯ АРАБИСТОНИ – ТАИЛАНД
Танташев ҳамда Гайнуллин тегишлича захира ҳакамлари сифатида учрашув расмийлари қаторидан ўрин олишди.

Вакилларимизга мусобақанинг кейинги босқичларида омад тилаймиз!