«Dinamo» jamoasi Birlashgan Arab Amirliklari yig‘ini doirasidagi 4-o‘yinda maydonga tushdi.

Bu safargi o‘rtoqlik bahsida Vadim Abramov shogirdlari Saudiya Arabistonining «Al-Fayha» klubiga qarshi maydonga tushdi. OCHLda «Paxtakor»ni 4:1 hisobida mag‘lub etib, 1/8 final yo‘llanmasini qo‘lga kiritgan Saudiya klubi tayyorgarlik doirasida Samarqand jamoasiga qarshi o‘yin o‘tkazdi.

Abu-Dabidagi o‘yinda Saudiya klubi 6-daqiqada Navaf Al-Hartining goli evaziga hisobni ochgan bo‘lsa, 15-daqiqada jamoamiz yarimhimoyachisi Sanjar Shoahmedov o‘z goli bilan hisobni tenglashtirdi – 1:1.

Ikkinchi bo‘limning 84-daqiqasida saudiyaliklar hisobda yana oldinga chiqib olgan bo‘lsa, oradan ikki daqiqa o‘tib Komil Sharofutdinov jamoamiz hujumini gol bilan yakunladi – 2:2.

Qiziqarli o‘tgan bahsda «Dinamo» klubi Osiyo Chempionlar ligasi nimchorakfinal ishtirokchisi bilan durang o‘ynadi.

O‘rtoqlik o‘yini. 26 yanvar
Abu-Dabi, «Elite Club» stadioni
«Al-Fayha» (S.Arabistoni) - «Dinamo» (O‘zbekiston) – 2:2
Gollar: Navaf Al-Harti 6, Abdulhamid Sobiri 84 – Sanjar Shoahmedov 15, Komil Sharofutdinov 86.
«Dinamo»: Ravshanbek Yagudin, Artyom Sokol, Odil Abdumajidov, Ulug‘bek Abdullayev, Anvar Fayzullayev, Vladimir Kozak, Humoyunmirzo Iminov, Sanjar Shoahmedov, Fransis Narx, Farrux Ikromov, Anvar Xojimirzayev.
Zaxiradan maydonga tushganlar: Salim Mustafoyev, Dushan Miyich, Xislat Xalilov, Emmanuel Yagr, Vohidjon Oqbo‘tayev, Damir Temirov, Husniddin G‘ofurov, Komil Sharofutdinov, Bahodir Nasimov, Xurshid Ubaydullayev, Javlon Malikov.