The Athletic Yurgen Klopp o‘rniga «Liverpul»da quyidagi nomzodlar borligini yozmoqda.

Xabi Alonso («Bayer Leverkuzen»)
Roberto De Dzerbi («Brayton»)
Tomas Frank («Brentford»)
Yulian Nagelsmann (Germaniya)
Michel («Jirona»)
Anje Postekoglu («Tottenxem»)
Unai Emeri («Aston Villa»)
Simone Indzagi («Inter»)

Hammasi yaxshi murabbiylar, to‘g‘ri. Har qanday klub, agar murabbiyini almashtirsa, yangi umid beradigan, kuzatish qiziq bo‘ladigan nomlar. Ammo biz uchun bu.

Balki o‘tgan yili, yo uch yil oldin, natijalar yomon bo‘lib turgan paytda uning ketishi jamoa muxlislari uchun qanaqadir vaziyat o‘nglanishiga umid berishi mumkin edi. Keldi, o‘z jamoasini qurdi, yutdi, jamoa davri o‘tgach, eplolmadi, ketdi. Tushunarli. Dortmundda shunaqa bo‘lgandi.

Ammo Klopp eng alamli paytda ketyapti - xuddi shunday ikkinchi «Liverpul» qura olishiga ishontirib, qisman ko‘rsatib, u bilan Endo ham top futbolchi bo‘lishini, u yana yangi Trentni kashf qilishi, yangi Maneni topishini, yana, har yili Gvardiola bilan bellashishi mumkinligini namoyish qilayotgan paytda ketmoqda.

«Liverpul» muxlislari uchun taxminim bor, kim bo‘lsa ham, hatto bu ruyxatdan tashqaridan ham istalgan ismni ko‘z oldingizga keltiring, Kloppdan yaxshiroq emas, ishonavering.

Qahramon Aslanov.