"Liverpul" hali Yurgen Kloppning o‘rnini egallashi mumkin bo‘lgan ustuvor variant borasida bir qarorga kelmagan.
2015-yildan beri “qizillar”ni boshqarib kelayotgan germaniyalik murabbiy juma kuni rasman e’lon qilganidek, joriy mavsum yakunida mersisaydliklar safidagi faoliyatini yakunlaydi.
Ingliz matbuoti xabariga ko‘ra, "Liverpul"ning yangi bosh murabbiyi bo‘lish uchun "Bayer"dan Xabi Alonso va "Brayton"dan Roberto de Zerbi favorit bo‘ladi.
Biroq, jurnalist Sem Uollesning so‘zlariga ko‘ra, klub ichida hozircha hech narsa hal qilinmagan - bugungi kunda rahbariyat ehtimoliy variantlarning birortasini ham ko‘rib chiqmagan.
