Sobiq angliyalik futbolchi Jeymi Karrager Yurgen Klopp ketganidan so‘ng, "Liverpul" bosh murabbiyi lavozimini egallash uchun kimni favorit deb bilishini aytdi.
Nemis mutaxassisi joriy mavsum yakunida o‘z lavozimini tark etadi - bu haqda juma kuni uning o‘zi ma’lum qildi.
Yangi murabbiy lavozimiga asosiy nomzodlar Xabi Alonso (“Bayer”) va Roberto de Zerbi (“Brayton”).
Karragerning fikriga ko‘ra, aynan ispaniyalik Kloppning o‘rnini kelasi yozda egallashi mumkin. «Liverpul»dagi faoliyati davomida katta hurmat qozongan Xabi Alonsoning nomzodiga e’tibor bermaslikning iloji yo‘q.
Uning "Bayer Leverkuzen"dagi faoliyati uni Yevropa futbolidagi eng yorqin yosh murabbiyga aylantirdi.
Bu uni favoritga aylantiradi", - deya Karragerdan iqtibos keltiradi ingliz OAV.
