Niderlandiyaning Veyk an-Zee shahrida shaxmat bo‘yicha Tata Steel Chess 2024 turnirida bugun 13-tur bahslari o‘tkazildi.

Turnirning Masters guruhida ishtirok etayotgan o‘zbekistonlik grossmeyster Nodirbek Abdusattorov bu turda germaniyalik Aleksandr Donchenkoga qarshi oq donalarda o‘ynadi.

Mazkur bahsda hamyurtimizga faqat va faqat g‘alaba kerak edi. O‘yinning debyut qismida Abdusattorov ustunlikni qo‘lga kiritishga harakat qildi. Ammo Donchenko bir nechta aniq yurishlari evaziga hattoki sifat ustunligiga bo‘ldi. Biroq raqib rokirovka qilishga ulgurmani uchun uning Shoh markazda himoyasiz qolib ketdi. Boz ustiga, dastlabki 40 ta yurish uchun ajratilgan vaqt kam qolgani uchun Aleksandr 2-3 ta noaniq yurishlar qildi. Buning oqibatida Nodirbek tashabbusni to‘la qila kiritdi.

Farzinli enshpilda vatandoshimiz raqibini deyarli motgacha olib bordi.

Bugungi o‘yinlardan keyin to‘rt nafar shaxmatchining ochkolari 8,5 taga yetdi. G‘olibni aniqlash maqsadida ular ishtirokida blis uslubida tay-brek o‘yinlari o‘tkaziladi. O‘yinlar bugun bo‘lib o‘tadi.