Yevropa futbol assosiasiyalari ittifoqi prezidenti Aleksandr Cheferin ayollar futboli rivojiga baho berib, homiylar va teleradiokompaniyalar hali ham ayollar musobaqalariga oz miqdorda mablag‘ ajratayotganini ta’kidladi.

“Ayollar futboli o‘sib bormoqda, bu ajoyib, ammo biz sarmoya kiritishda davom etishimiz kerak. Biz hali ham har bir musobaqada pul yo‘qotyapmiz, lekin biz bunga investisiya sifatida qaraymiz va u yaxshilanib bormoqda.

Stadionlarimiz to‘lib ketdi. Endi bizda ikkinchi yevrokubok turniri bor, bu raqobat muvozanati uchun juda muhim. Lekin men tushuntirmoqchi bo‘lgan narsa shuki, hamma gender tengligi haqida gapirayotgan bo‘lsa-da, oxir-oqibat, teleradiokompaniyalar va homiylar, ayniqsa, teleradiokompaniyalar juda kam pul taklif qilmoqdalar. Bu borada ham biror narsa qilish kerak.

So‘nggi yillarda ko‘p narsa o‘zgardi: men tufayli emas, lekin biz ko‘p ish qildik. Biz ko‘proq narsani qilishga harakat qilmoqdamiz, lekin bizda cheksiz mablag‘ yo‘q, ayniqsa, biz kovid tufayli azob chekkanmiz. Shuning uchun biz imkon qadar ko‘proq sarmoya kiritamiz va menimcha, Yevropa ayollar futboli dunyodagi eng kuchli futboldir", - deydi Cheferin.