"Lill" himoyachi Leni Yoro uchun "PSJ"dan 50 million yevrodan ko‘proq taklif olishi mumkin, deya xabar beradi L'Equipe.
Parijliklar bunga tayyorgarlik ko‘rmoqda. Ular buni hozir to‘liq transfer sifatida yoki sotib olish opsiyasi bilan ijara sifatida tuzmoqchi. "Lill" prezidenti Olivye Letang avvalroq klub qishda ehtimoliy transferni muhokama qilishdan bosh tortayotganini aytgandi.
Yero "Lill" tarbiyalanuvchisi va butun faoliyatini shu klubda o‘tkazgan. Joriy mavsumda Leni klub safida 24 ta o‘yinda maydonga tushib, 3 ta gol urdi.
