Tailand terma jamoasi hujumchisi Rungrat Pumchantuyek Osiyo kubogi nimchorak final bosqichi doirasida  O‘zbekistonga qarshi o‘yin oldidan o‘z fikrlari bilan o‘rtoqlashdi.

"Shaxsan o‘zim va butun jamoa O‘zbekistonga qarshi o‘yinga 100 foiz tayyor. O‘zbekiston — kuchli jamoa. Biz mazkur bahsga sidqidildan tayyorgarlik ko‘rdik va ertaga maydonda jang qilishga tayyormiz.

Osiyo kubogida ishtirok etayotganimizdan xursandman. Bu bizga har tomonlama o‘sishga erishishda yordam beradi. Buning uchun esa har bir o‘yinda kurashishimiz kerak. Agar murabbiy menga imkoniyat bersa, bor kuchim bilan harakat qilamiz. Tailand terma jamoasining har bir a’zosi o‘ynashga tayyor. Osiyo kubogiga kelgan yosh futbolchilar katta tajriba olmoqda. Bu tajriba Jahon chempionati va boshqa xalqaro musobaqalarda bizga qo‘l keladi.

Har safar Tailand terma jamoasidan taklif olganimda bundan faxr tuyg‘usini his etaman. Mamlakat sharafin himoya qilish faxrli ish. Bosh murabbiyning taktikasi moslashish uchun esa biroz vaqt kerak. Bizning taktika — bu zamonaviy futbol o‘ynash. Har bir futbolchi himoyada ham, hujumda ham o‘ynay olishi kerak", — dedi Rungrat Pumchantuyek.