"Manchester Yunayted" "Real Sosyedad"ning yaponiyalik vingeri Takefusu Kubo bilan shartnoma imzolamoqchi. Bu haqda Mundo Deportivo xabar bermoqda.

Manbaga ko‘ra, "qizil iblislar" rahbarlari 22 yoshli futbolchini braziliyalik Antoni o‘rniga munosib nomzod sifatida ko‘rmoqda. Qayd etilishicha, yaponiyalikning o‘zi “Real Sosyedad”da baxtli va yaqin orada jamoani o‘zgartirishni rejalashtirmayapti.

Kubo "Real Sosyedad"da 2022 yildan buyon o‘ynab kelmoqda. Joriy mavsumda yarim himoyachi barcha musobaqalarda 25 ta o‘yin o‘tkazib, 6 ta gol va 3 ta golli uzatmani amalga oshirdi. Futbolchining ispan klubi bilan shartnomasi 2027 yilning iyun oyi oxirigacha amal qiladi. Transfermarkt internet portaliga ko‘ra, futbolchining taxminiy narxi 60 million yevroni tashkil qiladi.