"Манчестер Юнайтед" "Реал Сосьедад"нинг япониялик вингери Такефусу Кубо билан шартнома имзоламоқчи. Бу ҳақда Mundo Deportivo хабар бермоқда.
Манбага кўра, "қизил иблислар" раҳбарлари 22 ёшли футболчини бразилиялик Антони ўрнига муносиб номзод сифатида кўрмоқда. Қайд этилишича, японияликнинг ўзи “Реал Сосьедад”да бахтли ва яқин орада жамоани ўзгартиришни режалаштирмаяпти.
Кубо "Реал Сосьедад"да 2022 йилдан буён ўйнаб келмоқда. Жорий мавсумда ярим ҳимоячи барча мусобақаларда 25 та ўйин ўтказиб, 6 та гол ва 3 та голли узатмани амалга оширди. Футболчининг испан клуби билан шартномаси 2027 йилнинг июнь ойи охиригача амал қилади. Transfermarkt интернет порталига кўра, футболчининг тахминий нархи 60 миллион еврони ташкил қилади.
