"Barselona"ning sobiq yarim himoyachisi Tyago Motta hozirda jamoa bosh murabbiyligiga nomzodlar qatorida emas.

Jurnalist Fabrisio Romano bergan ma’lumotlarga ko‘ra, "Bolonya" murabbiyi hozircha "ko‘k-anorranglilar"ning ro‘yxatida yo‘q.

Eslatib o‘tamiz, “Barselona”ning amaldagi bosh murabbiyi Xavi Ernandes mavsum yakunida jamoani tark etishini ma’lum qilgandi.

Klub rahbariyati ispaniyalik mutaxassisni almashtirish imkoniyatlarini faol o‘rganmoqda. Nomzodlar orasida avvalroq uch nafar germaniyalik murabbiy – Yurgen Klopp, Yulian Nagelsmann va Tomas Tuxel ham bor edi. Michel va Mikel Arteta ham o‘rganilmoqda.

Motta boshchiligidagi «Bolonya» hozirda A Seriya turnir jadvalida 8-o‘rinda bormoqda.