"Барселона"нинг собиқ ярим ҳимоячиси Тьяго Мотта ҳозирда жамоа бош мураббийлигига номзодлар қаторида эмас.
Журналист Фабрицио Романо берган маълумотларга кўра, "Болонья" мураббийи ҳозирча "кўк-анорранглилар"нинг рўйхатида йўқ.
Эслатиб ўтамиз, “Барселона”нинг амалдаги бош мураббийи Хави Эрнандес мавсум якунида жамоани тарк этишини маълум қилганди.
Клуб раҳбарияти испаниялик мутахассисни алмаштириш имкониятларини фаол ўрганмоқда. Номзодлар орасида аввалроқ уч нафар германиялик мураббий – Юрген Клопп, Юлиан Нагельсманн ва Томас Тухель ҳам бор эди. Мичел ва Микель Aртета ҳам ўрганилмоқда.
Мотта бошчилигидаги «Болонья» ҳозирда A Серия турнир жадвалида 8-ўринда бормоқда.
