Kataloniyaning "Barselona" klubi "Jirona" bilan futbolchi almashish variantini ko‘rib chiqmoqda.

"Ko‘k-anorranglilar"ga avvalroq "Kamp Nou"ga o‘tish istagini bildirgan yarim himoyachi Alesh Garsiya juda ham ma’qul kelgan edi.

Mundo Deportivo xabariga ko‘ra, ispaniyalik futbolchining shartnomasida tovon puli ko‘rsatilgan.

Bir versiyaga ko‘ra, bu 14 million yevroni tashkil qiladi, boshqasiga ko‘ra esa - 20 million yevro. "Barselona" savdo qilish orqali katta xarajatlardan qochmoqchi.

"Barsa" "Jirona"ga Erik Garsiya yoki yarim himoyachi Pablo Torreni berishi mumkin. "Barselona" shuningdek, ushbu mavsum boshlanishidan oldin sotib olingan yarim himoyachi Oriol Romeuni "Jirona"ga qaytarishi mumkin.