Ispaniya chempionatining 20-turi doirasida qoldirilgan o‘yinlardan biri kecha oqshom bo‘lib o‘tdi. «Barselona» o‘z maydonida «Osasuna»ni qabul qilib, kichik hisobda g‘alaba qozondi.

Uchrashuvdagi yagona gol kataloniyaliklarning yangi futbolchisi Vitor Roke hisobiga yozildi. Braziliyalik futbolchi bahsning 63-daqiqasida raqib darvozasini ishg‘ol qildi.

Boz ustiga goldan 4 daqiqa o‘tib mehmonlar futbolchisi Unai Garsiya maydondan chetlatildi. "Barsa" o‘yin oxirigacha raqib darvozasiga boshqa yo‘l topa olmadi.

Ispaniya La ligasi, 20-tur
Barselona – Osasuna 1:0 (0:0, 1:0)
Gol: 1:0 – 63 Roke.
Barselona – Penya, Kunde, Arauxo, Kubarsi, Joau Kanselu, Gyundogan, de Yong, Pedri (Romeu, 77), Ferran Torres (Lopes, 7; Roke, 62), Yamal, Levandovski.
Osasuna – Fernandes, Areso, Unai Garsiya, David Garsiya, Errando, Moxika, Torro (Ibanyes, 83), Monkayola (Barxa, 83), Oros (Brashanas, 68), Arnais (Raul Garsiya, 68), Budimir (Ruben Garsiya, 68).
Ogohlantirishlar: Unai Garsiya (16), Pedri (53).
Chetlatish: Unai Garsiya (67).