"Barselona" bosh murabbiyi Xavi Ernandes Vitor Rokening debyut goli haqida gapirdi.
18 yoshli braziliyalikning aniq zarbasi kataloniyaliklarga “Osasuna” ustidan minimal g‘alaba keltirdi.
“Bu Vitor uchun juda muhim lahza. Uning "Barselona" safida kiritgan birinchi golidan keyingi his-tuyg‘ularini tasavvur qiling, bu ham g‘oliblik keltirgan gol bo‘ldi.
Bunday yosh futbolchi uchun asta-sekin yangi sharoitlarga ko‘nikish juda muhim. O‘ylaymanki, bugungi gol uning moslashish jarayoniga juda jiddiy ta’sir qiladi. Bu unga kelajakda o‘zini ko‘rsatishiga yordam berishi kerak", - dedi Xavi o‘yindan keyingi intervyusida.
