"Barselona" bosh murabbiyi Xavi Ernandes Ispaniya chempionatining kecha "Osasuna"ga qarshi o‘yinida jarohat olgan hujumchi Ferran Torresning holati haqida gapirdi.
Ispaniyalik futbolchi tez orada jarohatining og‘irligini ko‘rsatadigan tekshiruvdan o‘tadi. “Ferran tizzasida nimadir sezdi. Muammo kichik deb umid qilamiz.
Torresning jarohat olgani achinarli, u yaxshi holatda edi”, - dedi Xavi matbuot anjumanida.
Ispaniya chempionatining ushbu mavsumida Torres 7 ta gol urdi va 2 ta golli uzatmani amalga oshirdi. Hujumchi allaqachon La Ligadagi faoliyatidagi eng sermahsul mavsumni o‘tkazdi.
