"Барселона" бош мураббийи Хави Эрнандес Испания чемпионатининг кеча "Осасуна"га қарши ўйинида жароҳат олган ҳужумчи Ферран Торреснинг ҳолати ҳақида гапирди.
Испаниялик футболчи тез орада жароҳатининг оғирлигини кўрсатадиган текширувдан ўтади. “Ферран тиззасида нимадир сезди. Муаммо кичик деб умид қиламиз.
Торреснинг жароҳат олгани ачинарли, у яхши ҳолатда эди”, - деди Хави матбуот анжуманида.
Испания чемпионатининг ушбу мавсумида Торрес 7 та гол урди ва 2 та голли узатмани амалга оширди. Ҳужумчи аллақачон Ла Лигадаги фаолиятидаги энг сермаҳсул мавсумни ўтказди.
