"Yuventus", "Bavariya", "Barselona" va "Inter" klublarining sobiq yarim himoyachisi Arturo Vidal "Kolo-Kolo" futbolchisi sifatida taqdimoti uchun stadionga vertolyotda yetib keldi.

36 yoshli chililik futbolchi faoliyati boshlangan klubga qaytdi.

Vidal olib ketayotgan vertolyot maydon markaziga kelib qo‘ndi va futbolchini deyarli 45 ming tomoshabinga mo‘ljallangan Santyagodagi stadionni to‘ldirgan muxlislar kutib oldi.

Shundan so‘ng, Vidal shoh timsolida otiga mindi: qo‘lida to‘p, boshida toj bilan “Qirol Artur” laqabli futbolchi maydon bo‘ylab to‘liq aylanib, olomon bilan salomlashdi.