"Ювентус", "Бавария", "Барселона" ва "Интер" клубларининг собиқ ярим ҳимоячиси Артуро Видаль "Коло-Коло" футболчиси сифатида тақдимоти учун стадионга вертолётда етиб келди.
36 ёшли чилилик футболчи фаолияти бошланган клубга қайтди.
Видаль олиб кетаётган вертолёт майдон марказига келиб қўнди ва футболчини деярли 45 минг томошабинга мўлжалланган Сантьягодаги стадионни тўлдирган мухлислар кутиб олди.
Шундан сўнг, Видаль шоҳ тимсолида отига минди: қўлида тўп, бошида тож билан “Қирол Артур” лақабли футболчи майдон бўйлаб тўлиқ айланиб, оломон билан саломлашди.
