Angliya Premyer-ligasi klubi futbolchisi "ko‘ngilxushlik gazi"dan foydalanishga moyilligi tufayli reabilitasiyadan o‘tdi, deb xabar bermoqda The Sun nashri.
Manbaga ko‘ra, ismi-sharifi oshkor etilmagan futbolchi tarixda ushbu reabilitasiya kursidan o‘tgan birinchi futbolchi bo‘ldi. Qayd etilishicha, gap "Premyer-liga yulduzi" haqida ketmoqda. Oilasi klubdan yordam so‘ragach, futbolchi reabilitasiyaga yuborilgan. Ma’lum qilinishicha, bir necha hafta avval polisiya futbolchi yo‘lovchi bo‘lgan mashinani to‘xtatib, azot oksidi bo‘lgan kanistrlarni topgan. Huquq-tartibot idoralari ularning futbolchiga tegishli ekanligini isbotlay olmadi.
Ta’kidlanishicha, ingliz futbolida ancha keng tarqalgan "ko‘ngilxushlik gazi"ga moyilligi bo‘lgan boshqa futbolchilar ham reabilitasiyadan o‘tishi mumkin.
